ورق العنب بالزيت .. اذا كنتم من محبي الاكل النباتي فهذه الوصفة ستحتل مرتبة متقدمة عندكم … تشبه حشوة ورق العنب النباتي بالزيت مكونات التبولة مع استبدال الر ز بالبرغل .. مع الحرص على زيادة نكهة الحامض فيه !
المكونات:
ورق عنب
الحشوة:
بقدونس
بندورة
بصل أخضر
نعناع اخضر
رز مصري
عصير حامض
زيت زيتون
ملح
دبس الرمان
رشة من دبس الفلفل الحار-اختياري
لقعر الطنجرة:
جزر
بطاطا
بندورة
بصل
طريقة التحضير:
- نغسل الخضار ثم صفيها جيدا من مياه الغسيل
- نفرم البقدونس وباقي الخضار فرما ناعما …. ونخلطهم مع حفنة صغيرة من الرز المصري المغسول والمصفى ايضاً (حوالي ربع كوب من الرز لكل باقة من البقدونس)
- نضيف عصير الحامض وزيت الزيتون والملح والدبس ونحرك مكونات الحشوة ..
- نلفّ ورق العنب.. عبر وضع كمية وفيرة من الحشوة داخل كل ورقة ولفها بالعرض تماما مثل ورق عنب اللحم (نكثر من الحشوة لأن الخضار تذوب عنما تنضج)
- في قعر الطنجرة .. نرتب شرحات من الخضار حسب الرغبة مثل البصل والبطاطا والجزر والبندورة .. ثم نرتب ورق العنب
- نغمر الطنجرة بمرق الحشوة التي بقيت بعد لفّ ورق العنب.. ونضيف ماء وعصير حامض وزيت زيتون وملح بحال لم يكفي مرق الحشوة لغمر كل الاوراق
- نضع صحن واسع على وجه الطنجرة ونضع عليه ثقل .. نترك الطنجرة تغلي
- بعد الغليان بدقائق .. نرفع الثقل ونغطي الطنجرة ونتركها على نار هادئة حتى ينضج ورق العنب… سيحتاج حوالي ساعة او حسب كمية الورق
- نقدم ورق العنب بالزيت باردا ويفضل من البراد
وصفة ورق العنب بالزيت الشهية جداً من صديقة وطاهية موقع شو طابخين اليوم:
رنا جركس
اضغطوا على اسم رنا لزيارة صفحتها الخاصة على موقعنا والتمتع بكل وصفاتها
لعمل ورق العنب والكوسى بالحامض من رنا اضغطوا على الرابط
للمزيد من وصفات رنا الشهية اليكم الدجاج مع البطاطا بالفرن
#وصفات #وصفة #ورق_عنب #ورق_العنب #ورق_بزيت #ورق_عنب_بزيت #شو_طابخين_اليوم
