الملوخية بالزيت لذيذة ايضا .. ليس بالضرورة اضافة اللحم والدجاج للتلذذ بطعم الملوخية الشهية.. بضع اضافات ويصبح الطعم جاهزا.. اليكم التفاصيل
المكونات:
ملوخية خضرا او يابسة (اليابسة يجبل ان تكون مغسولة ومنقوعة بالماء الساخن سابقا ومصفاة جيدا ومعصورة)
بصلة يابسة
رأس ثوم
كزبرة خضراء
زيت نباتي
عصير الليمون الحامض او بندورة مفرومة ناعمة (بحال اضافة البندورة لا نضيف الحامض)
فلفل حار او شطة عند التقديم -اختياري
طريقة التحضير:
نفرم البصلة اليابسة فرما ناعما جدا او جوانح حسب الرغبة ونفقطع الثوم الى شرحات رفيعة
نقلب البصل بالقليل من الزيت ليتلون قليلا ثم نضيف الثوم ونقلب لدقيقة قبل اضافة الكزبرة المفرومة ناعمة ونقلب لتذبل
نضيف الملوخية الخضرا المغسولة والمعصورة تماما من الماء (او اليابسة) ونقلب على نار هادئة حتى تنضج الملوخية جيدا .. بهذه المرحلة تضاف البندورة بحال اردنا طبخ الملوخية بالبندورة ونواصل التقليب حتى تجف البندورة وتنضج الملوخية تماما .. اما اذا اردنا اضافة عصير الحامض فنضيفه بالمرحلة الاخيرة قبل رفع الملوخية عن النار او عند التقديم
نقدم الملوخية بالزيت مع الخبز العربي والفجل والبصل ويمكن اضافة المزيد من عصير الحامض او الشطة عند الأكل
وصفة وطريقة الملوخية بالزيت من صديقة وطاهية موقع شو طابخين اليوم:
سنا قدور
اضغطوا على اسم سنا لزيارة صفحتها الخاصة على موقعنا والتعرف الى كل وصفاتها الشهية
للمزيد من سنا اليكم الكبة النية
#وصفات #وصفة #الملوخية #ملوخية_بالزيت #الملوخية_بالزيت